Нар инээдэг юм

Насан багадаа нэгэн өглөө
Нарыг би их л ажсан юм
Нар тэгэхэд нэг л сайхан
Намайг хараад инээж байсан юм

Өөдөөс нь би баясан инээж
Өөдсийн чинээ гараа өгсөн юм
Алтанхан нар түүний хариуд
Алган дээр минь элчээ тавьсан юм

Насан багадаа нэгэн өглөө
Нарыг би их л ажсан юм
Эрэм тогоонд сүү самарсан
Ээжийг хараад инээж байсан юм

Өөдөөс нь ээж баясан инээж
Өргөө цагаан сүүгээ өргөсөн юм
Алтанхан нар түүний хариуд
Аяга дүүрэн туяа өгсөн юм

Тэгэхэд миний ухаан хаяарч
Тэнгэр газрыг уяран хайрлаад
Дуудахсан гэж хоолой мөхөсдөөд
Дулаахан нүдээр хорвоог харсан юм

Нар ингэж инээдэг юм
Надад ээжид инээсэн юм
Нар ингэж инээдэг юм
Надад ээжид элчээ өгсөн юм

Өөдөөс нь би баясан инээж
Өөдсийн чинээ гараа өгсөн юм
Алтанхан нар түүний хариуд
Алган дээр минь элчээ тавьсан юм

Facebook Twitter Google Plus