Учралын хорвоо

Нартай учрах гээд уулс яарна

Навчисаа дэлгэх гээд ургамал өндөлзөнө

Сарыг тольдох гээд ус яарна

Санаагаа олох гээд хүмүүс тэмүүлнэ

Энэ хорвоо учралын хорвоо

Эргэх улирал нь ч учралын улирал аа

Энэ хорвоо учралын хорвоо

Эргэх улирал нь ч учралын улирал аа

Мандсан наранд зулайгаа ээгээд

Манхан хайрханд магнай нь тэнийнэ

Мөнгөн сарыг долгиондоо шингээгээд

Мөрөн гол чиг мөнхөд энхжинэ

Энэ хорвоо учралын хорвоо

Эргэх улирал нь ч учралын улирал аа

Энэ хорвоо учралын хорвоо

Эргэх улирал нь ч учралын улирал аа

Цэцэг навчисаа дэлгэсэн ургамал

Цэнгэлийн дээдийг эдлэн бүжнэ

Зорьсон хүсэлдээ хүрсэн хүн чиг

Зол баяр гэрэлтсэн тариа шиг алтарна

Энэ хорвоо учралын хорвоо

Эргэх улирал нь ч учралын улирал аа

Энэ хорвоо учралын хорвоо

Эргэх улирал нь ч учралын улирал аа

Facebook Twitter Google Plus