Чулуутын гол

Түшиг хангайнхаа мэндийг тээсээр
Түшээ гүн рүү гээ мяралзаад л байна уу даа
Чулуутын минь голоо хө
Түмний үрсэд сайныг ерөөж
Төрийнхөө сүлдэндээ залбирч сууна уу даа
Миний буурал ээжий минь ээ

Сэрүүн хангайнхаа мэндийг тээсээр
Сэлэнгэ тийшээгээ мэлтэлзээд л байна уу даа
Чулуутын минь голоо хө
Сэтгэлийн цацлаа өргөн наминчлаад
Соёмбот далбаандаа залбирч сууна уу даа
Миний буурал ээжий минь ээ

Баян хангайнхаа мэндийг тээсээр
Байгаль тийшээгээ цэцэлзээд л байна уу даа
Чулуутын минь голоо хө
Элэг бүтэн амьдрахыг ерөөж
Эрхэст тэнгэртээ залбирч сууна уу даа
Миний буурал ээжий минь ээ

Facebook Twitter Google Plus