Завхан гол

Өрмөл шаргалыг хормойдсон

Өмнийн нарыг түнэлсэн

Хадаг яндар Завхан гол

Хаа хүрэхээр тэмүүлнэ вэ

Ээ Завхан гол

Элсний нүүдэл шиг чимээгүй

Ай Завхан гол

Анир үргээж адуу тургилна

Хөлчүү зэрэглээ сандайлсан

Хөлөрсөн манхныг сэрүүцүүлсэн

Хатан тунамал Завхан гол

Халхын нутгаар ороолно

Ээ Завхан гол

Элсний нүүдэл шиг чимээгүй

Ай Завхан гол

Анир үргээж адуу тургилна

Зовлон жаргалаар мэлмэрсэн

Зорголын нүд шиг ус гүйсэн

Мөрөнгийн энтэй

Завхан гол

Мөнхийн усыг орлоно

Ээ Завхан гол

Элсний нүүдэл шиг чимээгүй

Ай Завхан гол

Анир үргээж адуу тургилна

Ээ Завхан гол

Элсний нүүдэл шиг чимээгүй

Ай Завхан гол

Анир үргээж адуу тургилна ...

Facebook Twitter Google Plus