Хархан нүдний талимаанд чинь
Хайлан уяран суухдаа
Ханийн жаргал амласнаа
Хайрт минь би мартаагүй
Шан туушин гэзгийн чинь
Шанхыг илбэн суухад минь
Чин хайраа амласнаа
Чи минь л битгий мартаарай
Алиа хөөрхөн аашинд чинь
Аясан эрхлэн суухдаа
Амьдын жаргал амласнаа
Амраг минь би мартаагүй
Бадам лянхуа уруулын чинь
Балыг амтлан суухад минь
Хорвоогийн жаргал амласнаа
Хонгор минь битгий мартаарай