To view this page ensure that Adobe Flash Player version 10.2.0 or greater is installed.

Учралын эгшиг

Цэцэгсийг тайтгаруулж чамайгаа аргадъя
Цэнхэр тэнгэрийнхээ өнгөнд хоёул уусъя аа
Намираахан бүлээхэн борооны дуслууд болж
Навчинд шүүдэрлэн хослон гялалзъя аа

Уулсыг жаргааж чамайгаа энхрийлье
Униартай сүлэлдэн хоёул эрхэлье ээ
Өртөөлөн нүүдэллэх үүлсийн хөх чөлөөнд
Өдрийн од болж ихэрлэн түгье ээ

Алаг хорвоод алтан наран ганцын адилаар
Амраг чи минь миний сэтгэлд ганцаараа шүү
Аялах дууг минь чи минь түрээч
Амин хайраар асгартал уярааж чи минь дуулаач

Долгиoсыг бүүвэйлж чамайгаа дагуулъя
Долгилон оргилон хоёул наадъя аа
Хөтлөлцөн хөөрөлдөн итгэлийн гал асааж
Хөхөө өвлөөр ч харзлан ундаалъя

Жигүүртнийг ивээж чамайгаа хайрлая
Жиргээ исгэрээнд нь хоёул автъя аа
Хайланхан уяранхан амрагийн дуу зохиож
Ханийн хорвоод нэгнээ ивээе ээ

Алаг хорвоод алтан наран ганцын адилаар
Амраг чи минь миний сэтгэлд ганцаараа шүү
Аялах дууг минь чи минь түрээч
Амин хайраар асгартал уярааж чи минь дуулаач

Алаг хорвоод алтан наран ганцын адилаар
Амраг чи минь миний сэтгэлд ганцаараа шүү
Аялах дууг минь чи минь түрээч
Амин хайраар асгартал уярааж чи минь дуулаач

Facebook Twitter Google Plus