Цаг нь болоогүй хайр

Хатаж гандсан намрын цэцэг шиг

Хайр минь чи юунд гуниглаав

Хавартаа эргээд ургах болохоор

Харуусаж огтхон ч шаналах хэрэггүй

 

Сэтгэлд үлдсэн хэнзхэн дэлбээ

Сэрүүн шөнөөр эргэн сэргэнээ

Түрхэн зуурын зовлон мартагдахаар

Тэвэр тэврээр сарнай чамаас урганаа

 

Тэр цагт бүгд чамайг харнаа

Тэнгэрийн од ч бас чамд дурлана

Цаг нь болоогүй учралын төлөө 

Цагаасаа эрт шаналах хэрэггүй

 

Хүсээгүй зовлонгийн үүд хаагдахын цагт

Хүслийн зоргоор хайр дэлбээлнээ

Мартагдах шахсан чиний дурлал

Маргааш болоход ховорт тооцогдох болноо

 

Ирээгүй хайрын төлөө чи минь

Ихэр татан уйлах хэрэггүй

Хүсэн хүлээсэн нууцхан хайр чинь

Хүний орчлонд аяндаа өөрөө ирнээ

 

Тэр цагт бүгд чамайг харнаа

Тэнгэрийн од ч бас чамд дурлана

Цаг нь болоогүй учралын төлөө 

Цагаасаа эрт шаналах хэрэггүй

Facebook Twitter Google Plus