To view this page ensure that Adobe Flash Player version 10.2.0 or greater is installed.

Наран мандах нутаг

Мандах наран зүгт нутаг минь байдаг юмаа
Маргах юмгүй тэнд дулаахан байдаг юм аа
Мал нь тогтуухан хүн нь аядуухан
Мандах наран зүгт нутаг минь байдаг юм аа

Ургах наран зүгт нутаг минь байдаг юм аа
Уртын дуу шиг тал цэнхэртэж байдаг юм аа
Уудам талаа туулна гэж
Унаган хүлэг минь босоо төрдөг юм аа

Том наран дор нутаг минь байдаг юм аа
Тогоруу шувуу нь алхалж л явдаг юм аа
Тогоотой сүүгээ ээж минь самраад
Томоогүй хүүгээ хүлээж суудаг юм аа

Зөөлөн шаргал зүгт нутаг минь байдаг юм аа
Зөрүүдхэн бага нас минь тэнд л үлдсэн юмаа
Сөөсгөр хүүгээ ээж үүрээд
Зөндөө үлгэр ярьж л өгсөн юмаа
Мандах наран зүгт нутаг минь байдаг юм аа

Facebook Twitter Google Plus