To view this page ensure that Adobe Flash Player version 10.2.0 or greater is installed.

Зам дээр гээгдсэн цэцэг

Торгон туузаар ороосон
Талын анхилам цэцэг
Тоос шороонд дарагдаад
Замын хажууд хэвтэж байна

Хэн түүнийг анх удаа
Хээрийн нугаас түүгээ бол?
Хэрхэн юуны учраас
Торгон туузаар чимээ бол?

Халуун янагийн болзоондоо
Хархүү нямбайлж зэхээ юэ?
Хайртай түүнээ ирэхгүй болохоор
Хайран цэцгээ хаячихаа юу?

Эсвэл залуу бүсгүй
Энхрий хүндээ өргөө юу?
Хайхрамж муутай гуалиг залуу
Харгуйд гарахдаа гээчихээ юу?

Ямар түүхтэй цэцэгхэн
Яагаад энд хэвтэнэ вэ?
Явдал учраа тоочин байж
Яриад өгдөг ч болоосой

Facebook Twitter Google Plus