Бид мартахгүй

Хайр гэрэлтсэн нүдийг чинь
Харах бүрийдээ дальдравч
Баясан булгилах зүрх минь
Байлдагч чамруу тэмүүлнэ

Чи зүрхэнд минь хайрын дөл тусгаж
Чи сэтгэлд минь дурлалын гал бадраана

Хүнлэг хайрын шивнээг
Сонсох бүрийдээ ичингүйрэвч
Хүсэн мөрөөдөх сэтгэл минь
Хайртай чамдаа тэмүүлнэ

Хар нүдэн бүсгүй минь
Хэн хүний үр болоод чи
Онгон хайрыг минь уярааж
Унтах нойрыг хасна вэ

Чи уулзахдаа хайрын дээдийг заяаж
Чи учрахдаа жаргал авчирна

Янаг хайртай бүсгүй минь
Ямар хүний үр болоод чи
Зүрх сэтгэлийг минь дэнслүүлж
Зүүд нойронд минь учирна вэ

Чи уулзахдаа хайрын дээдийг заяаж
Чи учрахдаа жаргал авчирна

Facebook Twitter Google Plus