To view this page ensure that Adobe Flash Player version 10.2.0 or greater is installed.

Бүсгүй минь инээмсэглэж яваарай

Цэлмэг тэнгэрийн наран наадсан
Цэлгэр хотынхоо өргөн чөлөөгөөр
Цэнгэл залуустай мөр зэрэгцээд
Цэмцгэрхэн байгалиа чимж явахдаа

Бүсгүй минь чи инээмсэглэж яваарай
Цэмцгэрхэн байгалиа чимж яваарай
Бүсгүй минь чи инээмсэглэж яваарай
Цэмцгэрхэн байгалиа чимж яваарай

Цэцгийн дэлбээнд хурын ус гялбаад
Цэвэрхэн охидын туяалзсан алхаанд
Түрлэг өргөх цоглог хөгийг
Төвшуур хөгжмийн ая шиг товшихдоо

Бүсгүй минь чи инээмсэглэж яваарай
Цэмцгэрхэн байгалиа чимж яваарай
Бүсгүй минь чи инээмсэглэж яваарай
Цэмцгэрхэн байгалиа чимж яваарай

Итгэл дүүрэн ардынхаа дунд
Энэ бүхэн үүлгүй далайд умбаж
Идэр залуу насныхаа аагиар
Гэгээ цацруулан алхаж явахдаа

Бүсгүй минь чи инээмсэглэж яваарай
Цэмцгэрхэн байгалиа чимж яваарай
Бүсгүй минь чи инээмсэглэж яваарай
Цэмцгэрхэн байгалиа чимж яваарай

Facebook Twitter Google Plus