Хайрын уянгатай анирхан үдшээр
                                 Харц харцаа эрхлүүлж ширтэн зогсохдоо
                                 Хамгаас онцгой ариухан хайраа
                                 Халуухан сэтгэлдээ хадгалсан даа

                                 Хайр хайрандаа уусаж алдарсан
                                 Хадаг шиг сүү шиг ерөөлтэй үдэш байж дээ

                                 Тиймээ хайрт минь бидний амьдрал
                                 Тэргэл сартай тэр л үдшээс эхэлсэн дээ

                                 Мөрөөдөлд умбуулсан цэнхэрхэн үдшээр
                                 Мөрийг минь налан ханьсаж суухдаа
                                 Мөнхөрлийн учигтай ариухан хүслээ
                                 Мөөгөн зүрхэнд минь шингээсэн дээ

                                 Сэтгэл итгэлээ нээж алдарсан
                                 Сэвлэг шиг бүүвэй шиг энхрийхэн үдэш байж дээ

                                 Тиймээ хайрт минь бидний амьдрал
                                 Тэргэл сартай тэр л үдшээс эхэлсэн дээ

                                 Намрын тэргэл сартайхан үдшээр
                                 Найрын шуранхайг зөгнөн учрахдаа
                                 Нандинаас нандин гэгээхэн хайраа
                                 Насны чамдаа шивнэж хэлсэн дээ

                                 Хүсэл хүслээ сүлж алдарсан
                                 Хөгжим шиг найраг шиг аялгуутай үдэш байж дээ

                                 Тиймээ хайрт минь бидний амьдрал
                                 Тэргэл сартай тэр л үдшээс эхэлсэн дээ

                                 Хүсэл хүслээ сүлж алдарсан
                                 Хөгжим шиг найраг шиг аялгуутай үдэш байж дээ

                                 Тиймээ хайрт минь бидний амьдрал
                                 Тэргэл сартай тэр л үдшээс эхэлсэн дээ.